Hopp til innhold
X
Innhald

Telefonsamband i Høyanger

Frå første telegraflina vert strekt gjennom fylket i 1859 og frå Lærdal stasjon opnar, skal det gå 45 år før Høyanger kommune får telefonsamband.

Først ut er Lavik i 1907, og Vadheim får telefonstasjon i 1908, med line til Førde. Kyrkjebø får telefonsamband i 1912, og industristaden Høyanger i 1917. Då vart telefonsambandet forskottert av industriutbyggaren Norsk Aluminium CO - NACO.

Sørsidebygda Tredal får telefon i 1914, og resten av sørsida i 1920-1923.

Automatisering

Høyanger var den første staden i fylket som fekk lokal automattelefon. Det skjedde i 1953.

I 1973 vart Høyanger manuelle rikstelefonsentral lagt ned og staden knytt til fjernvalnettet. På sørsida vart telefonen automatisert i 1979.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 30.05.2008