Hopp til innhold
X
Innhald

Vik med privat rikstelefon i starten

I dette huset var den første telegrafstasjonen i Vik. Ukjend fotograf. Eigar: Vik lokalhistoriske arkiv.

I dette huset var den første telegrafstasjonen i Vik. Ukjend fotograf. Eigar: Vik lokalhistoriske arkiv.

Kjerstine Vange på telefonsentralen i Vik. Ukjend fotograf. Eigar: Vik lokalhistoriske arkiv.

Kjerstine Vange på telefonsentralen i Vik. Ukjend fotograf. Eigar: Vik lokalhistoriske arkiv.

Det private telefonselskapet Vestlandske Telefonkompani bygde telefonline Voss-Vik i 1892. «Vestlandske» hadde i 1889 bygd ei line Voss-Gudvangen, og dreiv telefonstasjonane både i Vik og Gudvangen (sjå Telegraf og telefon i Aurland).

Bak Vestlandske Telefonkompani stod ingeniør Jens Sigfred Hopstock som hadde nær slekt i hotellfamilien Hopstock i Vik. Vestlandske Telefonkompani kom i økonomiske vanskar, og lina og telefonstasjonen i Vik vart tekne over av Telegrafvesenet i 1898.

Lina over Vikafjellet vart ombygd i 1930-åra. Kring 1950 var det omlag 100 telefonnnummer i bruk i Vik. Men det kunne vere opptil fem abonnentar på kvart nummer. I brislingfisketida var det ofte kø av fiskarar som skulle ringje heim frå stasjonen i Vik. I 1959 vart telefonstasjonen i Vik flytta over til det nye kommunehuset.

Telefonen i Vik vart automatisert i 1979 og knytt til fjernvalnettet. Abonnentane oppover Orvisdalen fekk automattelefon i 1977 og vart knytte til fjernvalnettet i 1979, samstundes med resten av Vik-bygda.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 16.06.2011