Hopp til innhold
X
Innhald

Askvoll Sparebank

Sparebanken Sogn og Fjordane i Askvoll. Foto: Ottar Starheim, NRK.

Sparebanken Sogn og Fjordane i Askvoll. Foto: Ottar Starheim, NRK.

Askvoll Sparebank vart skipa i 1893. Dei første åra leigde banken lokale i eit lite kommunalt hus på Prestegarden, og fylgde med då kommunen tok i bruk det nye kommunehuset «Heradsheim» i 1924.

Banken heldt til i Heradsheim frå 1924 til 1960

Banken heldt til i Heradsheim frå 1924 til 1960

I 1960 flytta Askvoll Sparebank over til eige nybygg i Askvoll sentrum. Bygget fekk også plass til postkontor, telefonstasjon, trygdekasse, lensmann og tannklinikk.

I 1973 gjekk Askvoll Sparebank inn i den nyskipa eininga Sunnfjord Sparebank saman med Jølster, Førde og Vevring – frå 1988 Sparebanken Sogn og Fjordane. Arkitekten bak skipinga av den fylkesomfemnande storbanken var administrarande banksjef Anders Sølvberg frå Askvoll.

I 1979 flytta sparebanken på nytt over i sjølveigd nybygg i Askvoll, denne gonen på Bøen. Dette bankbygget vart seinare kjøpt av Reidar Fristad som m.a. driv det byggetekniske plankontoret Friplan AS i bygget.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). 

Publisert digitalt etter avtale med NRK 2014.

Artiklane i fylkeleksikonet blir dessverre sjeldan oppdaterte, grunna manglande ekstern finansiering etter at Allkunne tok over artiklane frå NRK. Meld gjerne frå om feil eller manglar til allkunne(a)allkunne.no.


Sist oppdatert: 16.06.2010