Hopp til innhold
X
Innhald

Brævasshytta

Den opphavelege Brævasshytta, bygd i 1960. Foto: Kjell Arvid Stølen, NRK.

Den opphavelege Brævasshytta, bygd i 1960. Foto: Kjell Arvid Stølen, NRK.

Brævasshytta under Bøyabréen i Fjærland vart bygd i 1960 av Gudmund og Mina Bøyum og Gjertrud og Mikkel Bøyum. Før den tid dreiv Mundal Hotell ein kafé ved Bøyabréen, og når cruiseskip var på vitjing hadde bygdefolket salsboder langs vegen opp til bréen. I 1985 overtok paret Gerd Bøyum og Harald Kimsås. I 1993 vart Brævasshytta mykje utvida til 108 sitjeplassar innandørs og med ein stor utandørsterrasse. Sidan 2000 har Gerd Bøyum vore eineeigar og har drive hytta saman med borna sine.

Den nyaste delen av Brævasshytta, bygd i 1993, har stort panoramavindauge mot bréen. Foto: Kjell Arvid Stølen, NRK.

Den nyaste delen av Brævasshytta, bygd i 1993, har stort panoramavindauge mot bréen. Foto: Kjell Arvid Stølen, NRK.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). 

Publisert digitalt etter avtale med NRK 2014.

Artiklane i fylkeleksikonet blir dessverre sjeldan oppdaterte, grunna manglande ekstern finansiering etter at Allkunne tok over artiklane frå NRK. Meld gjerne frå om feil eller manglar til allkunne(a)allkunne.no.


Sist oppdatert: 08.02.2010