Hopp til innhold
X
Innhald

Bremanger Sparebank

Kalvåg hadde tidleg sjukehus. Huset i framgrunnen vart bygt som sjukehus i 1903.

Kalvåg hadde tidleg sjukehus. Huset i framgrunnen vart bygt som sjukehus i 1903.

Bremanger Sparebank vart grunnlagd i 1898 i Kalvåg.

Banken hadde kontor i lensmannsgarden i Kalvåg før den fekk plass i kommunehuset i 1920. Dette kommunehuset var det såkalla «sjukehuset» som Vårsildfondet bygde i 1903 som sjukestove for fiskarar. Her var det også legebustad og kontor. I 1956 bygde sparebanken eige bankbygg i Kalvåg, og i 1981 endå eit nybygg.

Bremanger Sparebank skipa også filialar og bygde eigne bankbygg på Hauge i Bremanger og i Svelgen.

I 1971 vart banken slegen saman med Kinns Sparebank i Florø og fekk namnet Sparebanken Flora-Bremanger. Etter at denne fekk økonomiske vanskar etter krise i oppdrettsnæringa, vart Sparebanken Flora-Bremanger innlemma i Sparebanken Sogn og Fjordane i 2003. Sparebanken Sogn og Fjordane har avdeling i Svelgen.

Bankbygget som Bremanger Sparebank reiste i 1981. Foto: Ottar Starheim, NRK.

Bankbygget som Bremanger Sparebank reiste i 1981. Foto: Ottar Starheim, NRK.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 22.04.2010