Hopp til innhold
X
Innhald

Brunsviks Eftf.

Brunsviks Eftf. er eitt av dei eldste handelshusa i Måløy, grunnlagt av Ole Brunsvik i kjellaren til Rasmus Lødøen på Midtgård.

Ole Brunsvik hadde vore ein tur til USA før han satsa på forretningar i Måløy. Simon Midtgaard arbeidde ei tid som handelsstyrar hjå Ole Brunsvik, og vart bydd å ta over forretninga. I staden valde Simon Midtgaard å starta eigen butikk og fiskehandel saman med broren Arnt. Ole sin yngre bror Ludvig Brunsvik hadde vore ein tur i USA og kom no inn i firmaet.

Abraham Verlo vart teken opp som kompanjong i firmaet, og i 1918 tok firmaet over eit digert trehus på 3 ½ etasjar som Reiel Eldevik hadde kjøpt på den gamle handelsstaden Osmundsvåg og sett oppatt ved Gate 1 i Måløy. Huset står framleis (2005), og vert brukt av Brunsvikfirmaet som forretningsgard. Her har det gjennom tida hyst ei mengd forretningar, eit meieri og mange bustadhusvære.)

Brunsvik Eftf. har drive ass. landhandel, skipshandel, sportsforretning m.m. På 1970-talet bygde firmaet eit stort forretningsbygg på andre sida av Gate 1 der det m.a. har vore sportsforretning og lokale for Vinmonopolet.

Brunsvikhuset (lengst til h.) under bygging i 1914.

Brunsvikhuset (lengst til h.) under bygging i 1914.

Brunsvikbuda. Foto: Ottar Starheim.

Brunsvikbuda. Foto: Ottar Starheim.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). 

Publisert digitalt etter avtale med NRK 2014.

Artiklane i fylkeleksikonet blir dessverre sjeldan oppdaterte, grunna manglande ekstern finansiering etter at Allkunne tok over artiklane frå NRK. Meld gjerne frå om feil eller manglar til allkunne(a)allkunne.no.


Sist oppdatert: 12.03.2020