Hopp til innhold
X
Innhald

Christen Ivarson Offerdal - Feios Nærbutikk

Christen Ivarson Offerdal (1835-1929) dreiv landhandel og gjestgiveri i Feios frå 1875. Han var også dampskipsekspeditør. Sonen Ivar K. Offerdal tok over i 1899, men selde i 1901 til Ovidia Olsen, som dreiv til 1906.

Då kom Henrik Mølmesdal frå Lavik og dreiv til 1926, då Anders J. Dale tok over. Han hadde drive butikk i Årdal nokre år før han flytta heim til Feios i 1914 og starta forretning i «Dalaståi», før han kjøpte av Mølmesdal i 1926. Sonen Dagfinn tok over i 1961, og då han døydde i 1975, overtok Olaug og Svein Hopperstad «D. Dale Eftf.» fram til 1990.

Sidan har forretninga m.a. vorte drive av eit lokalt aksjelag under namnet «Feiosbui AS», seinare Feios Nærbutikk.

Feios Nærbutikk. Foto: Ottar Starheim, NRK.

Feios Nærbutikk. Foto: Ottar Starheim, NRK.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). 

Publisert digitalt etter avtale med NRK 2014.

Artiklane i fylkeleksikonet blir dessverre sjeldan oppdaterte, grunna manglande ekstern finansiering etter at Allkunne tok over artiklane frå NRK. Meld gjerne frå om feil eller manglar til allkunne(a)allkunne.no.


Sist oppdatert: 09.06.2011