Hopp til innhold
X
Innhald

Danielsens Hotell

Fossetunet med Danielsens Hotell før hotellet vart rive i 1971. Foto: Leiv Bergum.

Fossetunet med Danielsens Hotell før hotellet vart rive i 1971. Foto: Leiv Bergum.

Danielsens Hotell vart starta i 1891 av Daniel Danielsen og var eit framhald av gjestgiveriet som låg på Nytappen/Fossetunet i Sogndalsfjøra. Her hadde det vore gjestgiveri og handel heilt sidan kring 1700 - sjå: To gjestgiveri i Sogndalsfjøra. Her hadde kremmaren «Jens på Nytappen» drive gjestgiveri.

Ein av dei mektige handelsmennene som hadde regjert på Nytappen var Jens Andreas Foss (1799-ca.1854) som m.a. hadde vore ein av skiparane av Sogndal Sparebank i 1841.

 Kom frå Nordfjord

Kom frå Nordfjord

Daniel Danielsen kom frå Bryggja i Nordfjord, der Lem-slekta frå Frønningen hadde ei grein. Danielsen gifta seg med ei syster til lensmannen i Sogndal, Nils Landmark Lem (sjå denne)og flytta dit. Danielsen kjøpte den gamle handelshuset på Nytappen og starta hotell med 10 senger.

Danielsen kjøpte den gamle bygningen i Fossetunet og starta hotell med 10 senger. Dette må ha vore kring 1890. Hotellet var då eit vakkert hus på to etasjar og med høgt, valma pannetak - svært likt den kjende sorenskrivargarden på Loftesnes.

Danielsens Hotell i 1950. Ukjend fotograf. Eigar: Sogndal Sogelag/Fylkesarkivet i Sogn og Fjordane.

Danielsens Hotell i 1950. Ukjend fotograf. Eigar: Sogndal Sogelag/Fylkesarkivet i Sogn og Fjordane.

Billett for å sjå på «dampen» i Sogndal

I tillegg til hotelldrifta, var Daniel Danielsen dampskipsekspeditør og handelsmann, og i 1893 bygde han det første meieriet i Sogndal - sjå: Meierihistoria i Sogndal. Folk som ville ned på kaia for å glo på «dampen» måtte løyse ei avgift på fem øre for å sleppe gjennom den låsta grinda som Danielsen hadde bygt i kaibakken!

Storfine gjester

Mellom dei som tok inn på hotellet, var lordar og hertugar som fiska laks i Årøy. Her budde også indiske maharajaer, hertugen av Windsor og Bjørnstjerne Bjørnson.

Slekta overtek

I 1909 fekk Daniel Danielsen hjelp av syskenbarnet Oscar Danielsen frå Bergen. Han gifta seg med kjøpmannsdottera Berta Olsen, og då grunnleggjaren døydde i 1921, overtok dei både hotellet og dei andre verksemdene. Oscar døydde i 1944, og Berta dreiv åleine fram til 1964, då dottera Anne Margrete Olsen og hennar ektemake Magne Hovland overtok. I 1971 vart Danielsen Hotell rive for å gje plass til A/S Forretningsbygg.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 29.12.2011