Drægni med landhandel i Skjolden
I dette huset ved utløpet av Fortunselvi starta Thomas Drægni butikk. Foto: Merete Husmo Høidal, NRK.
Tomas Drægni starta i 1862 landhandel i Skjolden, etter først å ha fått avslag frå kommunestyret to gonger. Drægni var også poststyrar.
I 1890 overtok sonen Halvard Drægni butikken, og starta i 1900 produksjon av saft og syltetøy. Han flytta i 1920 til stor, ny fabrikk på Hermansverk - sjå: Drægni AS.
Butikken i Skjolden vart overteken av Kristen Forthun til kring 1958. Etter eit lite opphald, kjøpte Magnus Hauge butikken og dreiv den til han døydde i 1989. Enkja Sofie dreiv til ho la ned butikken i 1991.
Kjelder
Kjeldeliste til Fylkesleksikon for Sogn og Fjordane
Artikkelen er basert på NRKs Fylkesleksikon for Sogn og Fjordane (2001–2014).
Publisert digitalt etter avtale med NRK 2014.
Artiklane i fylkeleksikonet blir dessverre sjeldan oppdaterte, grunna manglande ekstern finansiering etter at Allkunne tok over artiklane frå NRK. Meld gjerne frå om feil eller manglar til allkunne(a)allkunne.no.
Sist oppdatert: 21.03.2011