Eids Handelslag
Frå Eids Handelslag rundt 1910. Frå v. Anna Skår Myroldhaug, ukjend, ukjend, Halfdan Faleide, Ingvald Johannessen og Ingeborg Leivdal. Ukjend fotograf. © Fylkesarkivet.
Eids Handelslag vart grunnlagt 1874. Det heitte første åra Eids Handelsforening. Handelslaget bygde i 1877 eige forretningsbygg ved Eidsgata, og har sidan utvida til det som no er kjent som Domus/Mega-bygget.
Nordfjord Handelslag
På 1980-talet starta samanslåinga av lokale handelslag i Nordfjord. Utgangspunktet for denne prosessen var Eids Handelslag, og adminstrasjonen vart lagd til Nordfjordeid. Dei samvirkelaga som kom med, dekte forretningane i Selje, Raudeberg, Bryggja, Stårheim, Nordfjordeid, Hornindal, Stryn og Olden. I 2000 vart så Nordfjord Handelslag slege saman med samvirkelag på Sunnmøre, under namnet Coop Nordfjord og Sunnmøre BA (Coop Nor-Sunn), med administrasjonsstad Volda.
Coop Marked, tidlegare Stårheim Handelslag på Stårheim. Butikken vart lagd ned i 2007. Foto: Ottar Starheim, NRK.
Coop Vest BA
Den 1. januar 2008 vart Coop Nor-Sunn, som har forretningar i Nordfjord og på Sunnmøre, slege saman med Coop Sogn og Fjordane til Coop Vest BA. Den nye eininga har i alt 83 butikkar frå Hareid i nord til Lærdal i sør og har kring 870 tilsette. Coop Vest har hovudkontor i Førde.
Coop Mega på Nordfjordeid. Foto: Ottar Starheim, NRK.
Kjelder
Kjeldeliste til Fylkesleksikon for Sogn og Fjordane
Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014.
I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og Fjordane. Dette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til den nye eigaren.
Les meir om overtakinga av Fylkesleksikon for Sogn og Fjordane.
Sist oppdatert: 26.01.2011