Hopp til innhold
X
Innhald

Eikum Hotell

Eikum Hotell. Foto: Kjell Arvid Stølen, NRK.

Eikum Hotell. Foto: Kjell Arvid Stølen, NRK.

Eikum Hotell på Ytre Hafslo vart starta i 1919 av Brita og Per Eikum. Då overtok dei eit eldre hus frå Per Tang og starta gjestestove med fire senger. Huset vart gradvis påbygd til hotell. I 1953 overtok dottera til Brita og Per Eikum, Ella og ektemaken hennar Sigmund Kjos-Wenjum hotellet.

Brann og nybygg

I 1956 vart Eikum Hotell totalskadd ved brann. Eit nyreist hotell med 35 sengar stod ferdig året etter.

Eikum Hotell før brannen i 1956.

Eikum Hotell før brannen i 1956.

Utvidingar i fleire etappar

I 1970 vart hotellet utvida med stor sengeromsfløy. I 1977 overtok Aud og Birger Kjos-Wenjum hotellet. Matsal på 200 kvadratmeter vart bygt i 1980, og med nye utvidingar frå 1990 til 1997 har hotellet 55 rom.

Delt i fleire selskap

I 2000 vart verksemda delt i eit eigedomsselskap og eit driftsselskap. I driftsselskapet er det fjerde generasjon i eigarfamilien, Ståle Kjos-Wenjum som er dagleg leiar.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 25.01.2010