Hopp til innhold
X
Innhald

Feldes Skoverksted

Feldes Skoverksted i Utvik vart starta av Leif O. Felde kring 1900.

Feldes Skoverksted i Utvik vart starta av Leif O. Felde kring 1900.

Fabrikken låg på Kårstad og hadde opptil 10 tilsette. Felde utvikla sjølv ein spesiell skistøvel med stålgelenk, og han produserte i mange år «Utvikskoen» – ein lett sko som likna på den meir kjende Aurlandsskoen.

Under 2. verdskrig hadde Felde sikra seg råstoff ved å skjøpe opp skinn og lær som han gøymde bort i eit naust på Sølvberg på nordsida av fjorden slik at ikkje tyskarane skulle oppdage det (slike varer var strengt rasjonerte under krigen). Utvik Skofabrikk var i drift til ut på 1950-talet. Då Felde døydde, freista nokre andre utan hell å drive fabrikken vidare.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 03.06.2008