Hopp til innhold
X
Innhald

Første sjølvbetjeningsbutikken i fylket

I dette huset heldt Langedal-butikken til fram til det vart bygt nytt forretningsbygg på andre sida av vegen. Foto: Ottar Starheim, NRK

I dette huset heldt Langedal-butikken til fram til det vart bygt nytt forretningsbygg på andre sida av vegen. Foto: Ottar Starheim, NRK

Ludvig Langedal starta i 1919 landhandel i Eikefjord, der han leigde og seinare overtok Svarthumles forretning. I 1924 bygde han sjøhus.

Langedal starta tønnefabrikk i Eikefjord ca. 1946, og hadde i dei beste sildeåra på 1950-talet 14 tilsette. Sonen Arnljot Langedal tok over og dreiv fabrikken fram til 1966, og starta i 1967 det som truleg var den første sjølvbetjeningsbutikken i Sogn og Fjordane.

Arnljot overlet drifta til sonen Ludvig Langedal jr. i 1979. Ludvig jr. hadde vore dagleg leiar i Olav Sandes bilforretning i Florø, og tok over som Ford-forhandlar i byen i 1992. I 1997 overtok Langedal som Ford-forhandlar i Førde og vart dermed Ford-forhandlar for heile Sogn og Fjordane.

Etter ein kort periode med utleige av daglegvarebutikken i Eikefjord, tok Ludvig Langedal jr. over butikkdrifta att i 2004. Butikken vart ein del av ICA-kjeda. I 2007 kjøpte Langedal bilfirmaet Førde Bil Partner, og fekk etter dette oppkjøpet til saman 40 tilsette.

ICA Eikefjord. Foto: Ottar Starheim, NRK.

ICA Eikefjord. Foto: Ottar Starheim, NRK.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 15.11.2009