Hopp til innhold
X
Innhald

Grosserar Sigurd Nybø

Sigurd Nybø.

Sigurd Nybø.

Sigurd Nybø A/S vart skipa i 1945 av Sigurd Nybø, og var den første engrosforretninga i Sogn og Fjordane. Nybø starta i nokre lokale i Håvågen som han overtok etter firma J. Langø - sjå dette under Industri og næring i Flora, startår 1907. -Les også under Eid kommune om grossistfirmaet Per A. Haavik på Nordfjordeid, grunnlagt i 1946.

Sigurd Nybø hadde eit mangfaldig yrkesliv bak seg som avisredaktør, kontormann og bakar før han starta som matvaregrossist. Han leigde først, men bygde seinare stort anlegg i Hesteneset med nothenge og -notbarkeri. I 1947 bygde Nybø eige kaffibrenneri.

Ved eit makeskifte med kommunen bygde han i 1969 nytt lager-og forretningsbygg like ved Fugleskjerkaia. Dette vart seinare mykje utvida.

På same vis som Haavik på Nordfjordeid, måtte Nybø gje seg som matevaregrossist i tevling mot dei nye kjedene då desse tok over matevarehandelen på 1990-talet. Forretningsbygget ved Fugleskjerkaia er no leigd ut til kontor, butikkar, ølutsal og restaurant.

Sigurd Nybø-bygget ved Fugleskjerkaia. Foto: Ottar Starheim, NRK.

Sigurd Nybø-bygget ved Fugleskjerkaia. Foto: Ottar Starheim, NRK.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 17.03.2010