Hans A. Bjordal - Allkunne

Cherokesisk - Cherokesisk blir snakka av det amerikanske urfolket cherokesarane. Cherokesarane har si eiga stavingsskrift, som blei laga av den cherokesiske sølvsmeden Sequoyah (ᏍᏏᏉᏯ) (ca. 1770–1843) for snart 200 år sidan.

Nynorsk skriftkultur år for år 1646—2019.

Hans A. Bjordal

Butikken i Bjordal. Foto: Ottar Starheim, NRK.

Hans A. Bjordal starta landhandel i Bjordal i 1891. Han vart kalla ”Hans med sjøen”. Svigersonen Einar Bjordal som overtok i 1903, var også dampskipsekspeditør og hadde postopneri og telefonstasjon.

Like etter krigsutbrotet i april 1940 vart den norske torpedobåten "Garm" senka av tyske fly på fjorden utanfor butikken. Under dette åtaket vart butikken i Bjordal mykje skadd. Difor vart det bygt nytt forretningsbygg like etter krigen.

Sonen til Einar, Harald Bjordal, overtok landhandelen og den øvrige verksemda kring 1950.

Midt på 1980-talet overtok dottera til Harald, Dagny Bjordal, og på same tid vart det reist eit tilbygg til butikken der det var plass til bankfilial og postkontor.

I 2005 overtok dottera til Dagny Bjordal, Mona Tvedt og ektemaken Geir Særsten butikken. Postkontoret er lagt ned, og butikken har såkalla ”post i butikk”-ordning.

Kjelder

Kjeldeliste til Fylkesleksikon for Sogn og Fjordane

Artikkelen er basert på NRKs Fylkesleksikon for Sogn og Fjordane (2001–2014).

Publisert digitalt etter avtale med NRK 2014.

Artiklane i fylkeleksikonet blir dessverre sjeldan oppdaterte, grunna manglande ekstern finansiering etter at Allkunne tok over artiklane frå NRK. Meld gjerne frå om feil eller manglar til allkunne(a)allkunne.no.

Sist oppdatert: 18.11.2009