Hopp til innhold
X
Innhald

Hellands Hotell

Hellands Hotell.

Hellands Hotell.

I 1879 kom lærdølen og underoffiseren Ole Knutsen Helland til Gudvangen og bygde ”Hellands Hotell” like ved Schultz Hotell.
På nedsida av vegen dreiv han butikk. Ole døydde i 1882, 32 år gamal. På same vis som med det andre hotellet i bygda, vart det også her enkja, Brita Helland, som dreiv Hellands Hotell vidare i nokre år inntil ho måtte slå seg konkurs. Ein lærdøl som hadde kausjonert, slo til seg eigedommen, men i 1892 kom den tidlegare styrmannen Alfred Barclay Meidell inn som hotelleigar.

Vikingvang Hotell & Café med annekset til venstre. Foto: Beyer Touristbureau. Eigar: Fylkesarkivet i Sogn og Fjordane.

Vikingvang Hotell & Café med annekset til venstre. Foto: Beyer Touristbureau. Eigar: Fylkesarkivet i Sogn og Fjordane.

Vikingvang Hotel & Café i 65 år

I 1895 bygde Alfred Barclay Meidell på hotellet med ein matsal sørover og gjorde elles andre endringar og utvidingar på bygget, og no kalla han det Vikingvang Hotel & Café. I 1899 kjøpte direktøren på Stalheim Hotell, tyskaren Cristian Dinger, Vikingvang Hotel & Café i Gudvangen. Den neste eigaren og direktøren på Stalheim Hotell, bergensaren John Waler, overtok i Gudvangen i 1912 og dreiv til 1916. Stalheim Hotell AS fekk offisiell skøyte på hotelleigedommen i Gudvangen i 1918. Tidleg på 1950-talet vart hovudbygningen på Vikingvang Hotel & Café selt til kjøpmann Hans Martinussen Dræge, medan eit anneks på nedsida av vegen som høyrde til hotellet, vart kjøpt av eigarane av Gudvangen Hotell - det som tidlegare heitte Hansens Hotell – Olav og Leif Hylland. Hans M. Dræge la ned Vikingvang Hotel & Café kring 1960, medan Olav Hylland og hans slekt utvikla hotelldrifta i Gudvangen vidare til det som i dag er kjent som Gudvangen Fjordtell.

I dette huset heldt Vikingvang Hotell til. Foto: Åsmund Ohnstad. © Fylkesarkivet.

I dette huset heldt Vikingvang Hotell til. Foto: Åsmund Ohnstad. © Fylkesarkivet.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 23.05.2011