Ivar Hylderaas
Blåbutikken vart lagd ned i 1961. Foto: Ottar Starheim, NRK.
Ivar Hylderaas (1857 – 1957) frå Voss var omreisande skreppekar. Kring 1894 slo han seg ned på Vassenden og starta landhandel i bygget som seinare er kalla Blåbutikken.(Også i Florø slo fleire skreppekarar frå Voss seg ned som handelsmenn - sjå Flora kommune).
Sonen Knut tok kring 1930 over drifta av denne, medan ein annan son, Gunnar Hylderaas, starta landhandel i Sanddalen i 1926.
Landhandelen på Vassenden vart avvikla i 1961, medan butikken i Sanddalen fekk mykje lengre levetid. Sonen til Gunnar, Ingvald Hylderaas, tok over i 1957 og heldt landhandelen i drift til 2009.
Gunnar Hylderaas landhandel i Sanddalen. Foto: Ottar Starheim, NRK.
Kjelder
Kjeldeliste til Fylkesleksikon for Sogn og Fjordane
Artikkelen er basert på NRKs Fylkesleksikon for Sogn og Fjordane (2001–2014).
Publisert digitalt etter avtale med NRK 2014.
Artiklane i fylkeleksikonet blir dessverre sjeldan oppdaterte, grunna manglande ekstern finansiering etter at Allkunne tok over artiklane frå NRK. Meld gjerne frå om feil eller manglar til allkunne(a)allkunne.no.
Sist oppdatert: 17.12.2010