Hopp til innhold
X
Innhald

Jo-Ry Bygg

Jo-ry Bygg til høgre, til venstre Solås Plast. Foto: Ottar Starheim, NRK.

Jo-ry Bygg til høgre, til venstre Solås Plast. Foto: Ottar Starheim, NRK.

Johannes Ryland starta i 1965 som byggmeister i Sørbøvåg. Dei første åra dreiv Ryland vanleg byggjeverksemd. I 1971 vart verksemda leigetakar i eit nytt, kommunalt industriutleigebygg i Sørbøvåg (sjå også Skifjorden Trevarefabrikk og Solås Plast AS).

Fram til 1980 var hovudproduktet anleggsbrakker som i hovudsak vart leverte til Vegvesenet. Etter 1980 dreiv verksemda som entreprenørselskap for større og mindre bygg, og hadde også eiga byggevareforretning i Sørbøvåg.

I 1977 vart verksemda aksjeselskap med namnet Jo-Ry Bygg AS, frå 1994 Jo-Ry Byggmarked AS. I 2001 hadde selskapet 20 tilsette og ei omsetning på 20,5 millionar kroner.

I 2006 kjøpte Førde-firmaet Gravdal Bygg AS i Førde - sjå Gravdal Byggesenter - 66 prosent av aksjane i Jo-Ry Byggmarked AS. I 2007 vart verksemda i Sørbøvåg slegen konkurs, men verksemd og tilsette vart teke over av det nyskipa selskapet Nye Byggmontering AS som også er eigd av Gravdal Bygg AS.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). 

Publisert digitalt etter avtale med NRK 2014.

Artiklane i fylkeleksikonet blir dessverre sjeldan oppdaterte, grunna manglande ekstern finansiering etter at Allkunne tok over artiklane frå NRK. Meld gjerne frå om feil eller manglar til allkunne(a)allkunne.no.


Sist oppdatert: 12.11.2009