Hopp til innhold
X
Innhald

Kremmarhandel på Fuhr

Hovudhuset på Fuhr. Foto: Ottar Starheim, NRK.

Hovudhuset på Fuhr. Foto: Ottar Starheim, NRK.

Ei gong midt på 1600-talet starta også futesonen Christen Nielsen Fuhr (1603-1685) handel på grannegarden Fuhr (For) like sør for Døsen.

Sonen Jens tok over handelen på Fuhr då faren døydde i 1685 og dreiv til han døydde i 1691. Nokre av dei 14 borna endra familienamnet sitt til Lemvig, som var eit slektsnamn henta frå ei anna slektsgrein. Eitt av dei 14 borna til Jens, Peder Jensson Lemvig (1678-1761), arva Fuhr-garden - og eigde i tillegg 32 gardar i indre Sogn. Handelen på Fuhr låg nede nokre år til Peder Jensson Lemvig på nytt fekk kremmarløyve i 1726, og denne handelen dreiv han til 1742.

Lemvig tek over på Døsen

Ein av brørne til bonde og kremmar på Fuhr, Peder Jensson Lemvig, heitte Christen Jensson Lemvig (1670-1732). I 1696 tok han over som landhandlar og gjestgjevar på Døsen etter dansken Søren Jenssen Sønderhovud. Christen Lemvig dreiv også handel i Solvorn. På same vis som broren på Fuhr var Christen ein flittig jordsamlar, for då han døydde, hadde Christen Lemvig samla seg i alt 20 gardar i Luster og Hafslo.

Sonen Dominicus Lemvig (1702-1764) tok over handelen på Døsen i 1744. I tillegg fekk han kontroll over handelen på Dalsøyri då han gifta seg med enkja etter handelsmannen der, Hans Eriksson Dalsøren. Han fekk også kontroll over handelen på Heltne - sjå: Handel på Heltne og Dalsøyri.

Les også:

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 21.03.2011