Hopp til innhold
X
Innhald

Lærdal Sparebank

Bygningen til Lærdal Sparebank før ombygginga i 1927. Ukjend fotograf. Eigar: Lærdal lokalhistorisk arkiv.

Bygningen til Lærdal Sparebank før ombygginga i 1927. Ukjend fotograf. Eigar: Lærdal lokalhistorisk arkiv.

Lærdals Sparebank vart skipa i 1861. Grunnfondet her, som for Nordfjord Sparebank, var inntektene frå salet av kornlageret i Lærdal. Dette var eit kriselager for såkorn som vart bygd tidleg på 1800-talet, men nedlagd i 1859. (Kornlageret er teke vare på som stabbur på garden Øvrevoll).

Gamlebanken slik huset vart sjåande ut etter ombygginga i 1927. Foto: Arild Nybø, NRK.

Gamlebanken slik huset vart sjåande ut etter ombygginga i 1927. Foto: Arild Nybø, NRK.

I 1893 kjøpte sparebanken ein bygning etter handelsmannen Jens Sjursen Lærdalsøren. Bygget tente både som bankkontor og «rådhus» for Lærdal. I 1927 vart huset ombygd til det staselege bankbygget i empirestil som no står ved den gamle busshaldeplassen, teikna av arkitekt Johan Lindstrøm. Bygget vert no nytta av kulturetaten i Lærdal, og i 2006 vart det opna ei fast historieutstilling i banken som viser Lærdal som turistbygd.

I 1982 flytta sparebanken inn i noverande bankbygg. I 1972 gjekk Lærdal Sparebank inn i Indre Sogn Sparebank .

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 03.05.2011