Hopp til innhold
X
Innhald

Maaløy Ruteselskap

Ein av båtane til Maaløy Ruteslskap - Blaahav.

Ein av båtane til Maaløy Ruteslskap - Blaahav.

Maaløy Ruteselskap vart skipa i 1923 av Johan N. Blaalid. Han hadde starta med motorbåtruter i 1907, og bygde etter kvart opp selskapet til det største fraktselskapet i Sogn og Fjordane nest etter Fylkesbaatane.

Flagget til Maaløy Ruteselskap

Flagget til Maaløy Ruteselskap

I dei 52 åra reiarlaget var i drift, eigde det i alt 15 skip. Dei mest kjende frå dei siste åra var «Blaahav», «Blaaøy» og «Blaaegg». Maaløy Ruteselskap spesialiserte seg på fisketransport frå Måløy til Englands-båten i Bergen, og frakta stykkgods på returen. Dei hadde fast anløp av Florø, og både Berle og Rugsund var ei tid inne på ruta. Nokre år dreiv selskapet rutetrafikk heilt nordover til Ålesund og Fosnavåg. Selskapet vart avvikla i 1974.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). 

Publisert digitalt etter avtale med NRK 2014.

Artiklane i fylkeleksikonet blir dessverre sjeldan oppdaterte, grunna manglande ekstern finansiering etter at Allkunne tok over artiklane frå NRK. Meld gjerne frå om feil eller manglar til allkunne(a)allkunne.no.


Sist oppdatert: 16.03.2011