Møbelforretninga Gangsø Eftf. AS
Gangsø Eftf. i Måløy. Foto: Ottar Starheim, NRK.
Møbelforretninga Gangsø Eftf. AS i Måløy er ei av dei største i fylket, og vart grunnlagd i 1941 av Ragnvald Gangsø. Han hadde i 1939 starta med agentur- og grossistverksemd. Svigersonen Arne Frantzen vart teken opp som kompanjong like etter 2. verdskrig, og i 1949 bygde Gangsø eit fire-etasjes forretnings- og bustadbygg ved Gate 1 på Sæternes. Her dreiv han også ei tid kjøtforretning. Arne Frantzens son Per Gunnar overtok som dagleg leiar i 1980.
Eit nybygg på motsett side av gata vart bygt i etappar frå 1965 til 1985, og er no på fire etasjar. I 1998 kjøpte Gangsø Eftf. nabobygget «Føleidehuset» for å utvide møbelforretninga.
I 2008 bygde Gangsø eit nytt varehus på 7000 kvadratmeter på Myrane i Deknepollen, Måløy Stormarked. I tillegg til eigne forretningar, rommar bygget m.a. ein stor butikk for Europris.
Møbelvarehuset til Gangsø Eftf. på Myra i Deknepollen. Foto: Ottar Starheim, NRK.
Kjelder
Kjeldeliste til Fylkesleksikon for Sogn og Fjordane
Artikkelen er basert på NRKs Fylkesleksikon for Sogn og Fjordane (2001–2014).
Publisert digitalt etter avtale med NRK 2014.
Artiklane i fylkeleksikonet blir dessverre sjeldan oppdaterte, grunna manglande ekstern finansiering etter at Allkunne tok over artiklane frå NRK. Meld gjerne frå om feil eller manglar til post(a)allkunne.no.
Sist oppdatert: 01.02.2010