Naustdal Auto A/S
Eitt av vogntoga til Naustdal Auto A/S. Foto: Ottar Starheim, NRK.
Naustdal Auto A/S vart grunnlagt i 1930 av Ingebrigt Naustdal, som m.a. dreiv godsruter frå Kjølsdalen til til Straumshamn i Volda og til Hjelmelandsdalen.
Sønene Arve og Inge Naustdal kom med som sjåførar i verksemda kring 1959. Verksemda bygde kontor og servicebygg i Øyane i 1975. Arve Naustdal overtok Naustdal Auto i 1987 og gjorde selskapet om til aksjeselskap.
I 2007 var Naustdal Auto eitt av dei største transportselskapa i fylket med 26 tilsette og kring 20 vogntog og semitrailerar, og fire mindre bilar.
I 2008 kjøpte Kårstad Transport AS i Bygstad i Gaular Naustdal Auto AS. Naustdal Auto gjekk konkurs i 2009, men drifta heldt fram med det nyskipa Naustdal Transport AS.
Terminalen til Naustdal Auto A/S på Nordfjordeid. Foto: Ottar Starheim, NRK.
Kjelder
Kjeldeliste til Fylkesleksikon for Sogn og Fjordane
Artikkelen er basert på NRKs Fylkesleksikon for Sogn og Fjordane (2001–2014).
Publisert digitalt etter avtale med NRK 2014.
Artiklane i fylkeleksikonet blir dessverre sjeldan oppdaterte, grunna manglande ekstern finansiering etter at Allkunne tok over artiklane frå NRK. Meld gjerne frå om feil eller manglar til allkunne(a)allkunne.no.
Sist oppdatert: 10.03.2010