Hopp til innhold
X
Innhald

Naustdal Handelslag

Samvirkelagsfilialen på Kalland i 2007. Foto: Ottar Starheim, NRK.

Samvirkelagsfilialen på Kalland i 2007. Foto: Ottar Starheim, NRK.

Naustdal Handelslag vart starta i 1910 på Kalland i Naustedalen etter opptak frå Bertel Birkeland og Arne Sølvberg. Laget vart medlem av Norges Kooperative Landsforening i 1938. Det vart sett opp ny butikk i 1964 etter at ein sidan starten hadde halde til i eit hus som var flytta frå Geilane.

Handelslaget på Kalland vart tidleg på 1980-talet slege saman med Naustdal Samyrkelag, og vidare med Førde Samyrkelag i 1993.

Butikken vart lagd ned i 2009.

Filial på Fimland

Like etter 2. verdskrig starta Naustdal Handelslag på Kalland filial på Fimland. Der heldt butikken til i kjellaren på huset til Sakarias Fimland som hadde drive butikk der før krigen. Etter samanslåing med Naustdal Samyrkelag vart det bygd ny butikk på Fimland i 1983, men denne vart nedlagd i 1989. Grenda overtok lokala, og frå 1990 har Fimlandsbua halde til der, drive at Marit Eimhjellen og Helga Myrvang. Men i 2014 la dei ned drifta av Fimlandsbua.

Fimlandsbua. Foto: Ottar Starheim, NRK.

Fimlandsbua. Foto: Ottar Starheim, NRK.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 20.05.2014