Hopp til innhold
X
Innhald

R.J. Nord & Co

vart skipa av Torgils Kambestad i 1930 då han kjøpte seg inn i hurtigruteekspedisjonen i Måløy og vart dagleg leiar.

Grunnleggjaren Rasmus J. Nord kom frå Nord i Eid kommune og hadde starta som betjent og båtekspeditør hjå Friis-folket på Moldøen, før han sjølv tok over som ekspeditør for hurtigruta. Nord dreiv agenturforrening i tillegg. Torgils Kambestad frå Vikebygd i Hardanger kom til Måløy i 1922 som banksjef i Ulvesund Kreditbank.

Då denne gjekk konkurs i 1928, arbeidde Kambestad ei tid som revisor. Då R.J. Nord kom i økonomiske vanskar i 1930, kjøpte Kambestad seg inn i ekspedisjonsforretninga og dreiv den under namnet R.J. Nord & Co til ut på 1960-talet. Firmaet har seinare gått inn i Inter Com-Terminalen.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 18.06.2008