Hopp til innhold
X
Innhald

Sogndals Aktiebageri

Huset som Sogndal Aktiebageri bygde i 1926. I 1945 vart namnet endra til Sogndal Samyrkelag. Foto: Leiv Bergum.

Huset som Sogndal Aktiebageri bygde i 1926. I 1945 vart namnet endra til Sogndal Samyrkelag. Foto: Leiv Bergum.

Då dette «samyrkelaget» kom i gang i 1914, hadde det hatt ein forløpar som heitte Sogndal Spareforening - eit forbrukareigd handelslag som vart skipa i Sogndal i 1873.

Etter opptak frå bonde Nils Rutlin og lensmann Nils Landmark Lem vart så lutlaget Sogndals Aktiebageri L/L skipa i 1914. Det fekk kring 70 medlemer og kjøpte eit bakeri som ein bakar frå Sogndalsdalen, med etternamn Nilsen, hadde drive. På folkemunne vart forretninga kalla «Aksjen». Laget bygde ny forretning i 1926.

Annaonse for møblar frå Sogndal Samyrkelag ca. 1960.

Annaonse for møblar frå Sogndal Samyrkelag ca. 1960.

I 1945 endra Sogndals Aksjebakeri namn til Sogndal Samyrkelag, og opna i 1946 også manufaktur- og møbelforretning i lokale som dei leigde hjå Olav Fardal. Frå 1948 til 1956 var den kjende forretningsmannen Kåre Navarsete styrar på samyrkelaget. Eit utsal som Sogndal Ullvarefabrikk dreiv i Fjøra vart i 1958 overteke av samyrkelaget.

Samyrkelaget bygde nytt, stort forretningsbygg i 1970, og gjekk inn i Sogn Samvirkelag (sjå Coop Mega Indre Vestland) då dette vart skipa i 1965.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 24.08.2011