Hopp til innhold
X
Innhald

Sogneprodukter AS

Sogneprodukter. Foto: Ottar Starheim, NRK.

Sogneprodukter. Foto: Ottar Starheim, NRK.

Sogneprodukter AS i Vik vart starta som verna verksemd i 1972, og fekk etter kort tid 53 arbeidstakarar.

I 1981 tok verksemda over Viking Kafeteria, og i 1984 Vik Bensinstasjon. Desse gjekk med underskot, og vart seinare skilde ut i eigne selskap. Bensinstasjonen er avvikla. I 1982 bygde stiftinga «Hybelheimen» bustader for dei tilsette.

I 1985 starta Sogneprodukter filial på Kaupangerskogen. I ein periode kring 1980 samarbeidde Sogneprodukter med Modum Pels AS si avdeling i Hafslo i Luster, og produserte tøfler av saueskinn.

Leiaren for denne produksjonen, Asbjørn Paulsen, starta i 1981 eigen klesbutikk i Vik. I 1987 flytta han butikken frå Granden til sentrum der den ligg i dag.

A. Paulsen Klesbutikk. Foto: Ottar Starheim, NRK.

A. Paulsen Klesbutikk. Foto: Ottar Starheim, NRK.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). 

Publisert digitalt etter avtale med NRK 2014.

Artiklane i fylkeleksikonet blir dessverre sjeldan oppdaterte, grunna manglande ekstern finansiering etter at Allkunne tok over artiklane frå NRK. Meld gjerne frå om feil eller manglar til post(a)allkunne.no.


Sist oppdatert: 03.03.2010