Hopp til innhold
X
Innhald

Svein Fosse og turiststaden Kalvåg

Kafé Vest, som Svein Inge Fosse starta i 1986. Foto: Arild Nybø, NRK.

Kafé Vest, som Svein Inge Fosse starta i 1986. Foto: Arild Nybø, NRK.

Meir enn nokon annan i nyare tid har kjøpmannen og turistverten Svein Inge Fosse sett sitt preg på Kalvåg. Fosse har vore ei drivande kraft i arbeidet med vern og utvikling av det gamle fiskeværet Kalvåg som reisemål, og har bygd opp fleire verksemder basert på matservering og turisme.

Knutholmen. Foto: Kjell Arvid Stølen, NRK.

Knutholmen. Foto: Kjell Arvid Stølen, NRK.

Han starta Kafé Vest i 1986, same året som han overtok drifta av ein landhandel etter faren Paul Fosse. Kafé Vest dreiv kafe og overnatting.

Knutholmen

I 1991 flytta han verksemda over til det gamle handelssetet Knutholmen, som han hadde kjøpt i 1990. Her har han sidan bygd opp ein populær restaurant, driv catering og har overnatting og har lokale for møte og kurs. Fleire eldre bygningar kring vågen i Kalvåg er kjøpt og restaurert av Fosse. På Amtskaia er det bygd eit stort, kombinert bygg med daglegsvarehandel i første og turistleiligheter i andre og tredje etasje.

Knutholmen er blitt ein naturleg stoppestad for båtturistane langs kysten. Foto: Kjell Arvid Stølen, NRK.

Knutholmen er blitt ein naturleg stoppestad for båtturistane langs kysten. Foto: Kjell Arvid Stølen, NRK.

I 2005 overtok Svein Fosse som eineeigar daglegvarebutikken Kalvåg Handel AS (sjå Audun Røys). Denne butikken driv også bakeri og skipshandel.

I 2014 investerte Fosse for 50 millionar kroner i utvida overnattingskapasitet. Knutholmen omsette i 2013 for 20 millionar kroner.

Amtskaia med forretning og husvære. Foto: Ottar Starheim, NRK.

Amtskaia med forretning og husvære. Foto: Ottar Starheim, NRK.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). 

Publisert digitalt etter avtale med NRK 2014.

Artiklane i fylkeleksikonet blir dessverre sjeldan oppdaterte, grunna manglande ekstern finansiering etter at Allkunne tok over artiklane frå NRK. Meld gjerne frå om feil eller manglar til allkunne(a)allkunne.no.


Sist oppdatert: 15.04.2014