Leif Hatløy er ein av pionerane i oppdrettsnæringa i Sogn og Fjordane. I 1970 starta han oppdrett av regnbogeaure på Lutelandet.

Dårleg lønsemd gjorde at han la ned drifta i 1974, men starta opp att med laks i 1980. Under Firmanamnet UFO Laks har han sidan kjøpt opp Hamna Laks AS (sjå dette under: Fiskeoppdrett og sjømat i Solund) på Krakhella i Solund og Port Salar AS (sjå: Oppdrett og fiskeri i Hyllestad) i Storakersundet i Hyllestad, slik at firmaet i 2002 kontrollerer tre oppdrettskonsesjonar.

I tillegg driv Hatløy lakseslakteri i Korssund, som i 2002 sysselset 16 personar. I 2002 hadde konsernet ei samla omsetning på vel 40 millionar kroner, og hadde 25 tilsette.