Hopp til innhold
X
Innhald

Fortidsminneforeningen – avd. Sogn og Fjordane

Urnes stavkyrkje. Foto: Merete Husmo Høidal , NRK

Urnes stavkyrkje. Foto: Merete Husmo Høidal , NRK

Foreningen til norske fortidsminnesmerkers bevaring vart skipa i 1844 etter opptak frå kunstmålaren Johan Christian Dahl (sjå Målaren I. C. Dahl frå Gulen-slekt).

Logoen til Fortidsminneforeningen er eit fabeldyr - løve med øks - som er henta frå ei av søylene (kapitélet) på Urnes stavkyrkje. I 1871 skipa arkitekten og ingeniøren Peter Andreas Blix avdelinga for Bergen, Hordaland og Sogn og Fjordane.

Sogn og Fjordane vart skilt ut som eiga avdelinga i 1983 med Guttorm Holstad frå Vik som første leiar.

Fortidsminneforeninga i Sogn og Fjordane eig og forvaltar stavkyrkjene Borgund, Urnes, Gaupne og Hopperstad og dessutan Hestad kapell i Viksdalen. På Lærdalsøyra eig foreninga det gamle bakeriet bak tidlegare Kvammes Hotell.

Fortidsminneforeninga eig ikkje, men har forvaltaransvaret for Kaupanger stavkyrkje og Hove steinkyrkje i Vik. Fortidsminneforeninga har arrangert fleire kultursafariar i Sogn med vitjing av m.a. dei gamle mellomalderkyrkjene og andre antikvariske bygningar langs Sognefjorden.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 11.09.2018