Hopp til innhold
X
Innhald

LO i Sogn og Fjordane

Landsorganisasjonen i Noreg (LO) vart skipa i 1899 under namnet Arbeidernes faglige landsorganisasjon i Norge (AFL).

Landsorganisasjonen i Noreg (LO) vart skipa i 1899 under namnet Arbeidernes faglige landsorganisasjon i Norge (AFL).

Den første organisasjonen som tok seg av fagpolitiske saker i Sogn og Fjordane, var Florø Arbeiderlag (sjå Lag og organisasjonar i Flora), skipa 1897. Den første «reine» fagforeninga i Sogn og Fjordane vart skipa ved Vadheim Elektrokjemiske Fabrikker i 1908. Den første 1.mai-markeringa i Sogn og Fjordane stod truleg aluminiumsarbeidarane i Stongfjorden for då dei gjekk i tog 1. mai i 1909.

1. mai-feiring i Stongfjorden i 1909. Foto frå Sogeskrift for Askvoll kommune.

1. mai-feiring i Stongfjorden i 1909. Foto frå Sogeskrift for Askvoll kommune.

Men retteleg tyngde fekk ikkje fagrørsla i fylket før anleggsarbeida i Høyanger starta i 1916, og dei første, radikale fagforeningane vart skipa der same året. – Les meir om dette under Høyanger kommune. LO skipa eige kontor i Sogn og Fjordane i 1976. Sidan 1958 hadde fylket hatt distriktskontor i samarbeid med Bergen og Hordaland.

1. mai-toget i Høyanger i 1920. Ukjend fotograf.

1. mai-toget i Høyanger i 1920. Ukjend fotograf.

John Bjarne Hjelmeland var distriktssekretær ved LO-kontoret i Førde frå starten i 1976 til 2004, då Bente Nesse overtok. Då Nesse vart tilsett som personalsjef ved Havyard Leirvik i 2005, overtok Arvid Langeland som LO-sekretær i Sogn og Fjordane. Han hadde då i mange år vore distriktssekretær i Fellesforbundet.

LO i Sogn og Fjordane held til i denne bygningen i Førde. Foto: Kjell Arvid Stølen, NRK.

LO i Sogn og Fjordane held til i denne bygningen i Førde. Foto: Kjell Arvid Stølen, NRK.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 30.09.2011