Hopp til innhold
X
Innhald

Sogn og Fjordane Bogeskyttarkrins

Martinus Grov frå Førde var så treffsikker at han tok fjerdeplass både i VM og OL. I bakgrunnen Helge Bydal, som rydda grunnen for sportsgreina i Sogn og Fjordane.

Martinus Grov frå Førde var så treffsikker at han tok fjerdeplass både i VM og OL. I bakgrunnen Helge Bydal, som rydda grunnen for sportsgreina i Sogn og Fjordane.

Sogn og Fjordane Bogeskyttarkrins vart skipa i 1971. Føregangsmannen i bogeskyttarmiljøet i Sogn og Fjordane var Helge Bydal frå Førde. Han fekk Fylkeskulturprisen i 1992 for innsatsen som idrettsorganisator både innan bogeskyttarmiljøet og for orienteringssporten.

Bogeskyttarkrinsen har i alt fem innmelde lokallag. Alle er å finne i Fjordane: Førde, Eid, Loen, Gloppen og Vågsøy. Det er særleg bogeskyttarane frå Eid som har hevda seg sterkast i nasjonale og internasjonale tevlingar – både som lag og individuelt.

Men den som har nådd lengst som bogeskyttar individuelt er likevel Martinus Grov frå Førde med 14 noregsmeisterskap. Han vart nordisk meister i 1995 og tok fjerdeplassar i VM innandørs i 1991 og i dei olympiske leikane i 1992.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 09.02.2015