Hopp til innhold
X
Innhald

Sogn og Fjordane Fiskarkvinnelag

Amanda Igland tok initiativet til og var i mange år leiar av fiskarkvinnelaget.

Amanda Igland tok initiativet til og var i mange år leiar av fiskarkvinnelaget.

Det første fiskarkvinnelaget i Sogn og Fjordane vart starta i Batalden, men det er uvisst når det vart starta og kor lenge dette laget var i drift.

Det er også uvisst om dette laget var tidlegare ute enn det første dokumenterte fiskarkvinnelaget i landet; Damegruppen «Havglimt» som vart skipa i Kristiansund i 1947.

Norges Fiskarlags Kvinnelag vart skipa i 1953, og fylkeslaget av Norges Fiskarlags Kvinnelag i Sogn og Fjordane vart skipa i 1959 etter opptak frå Amanda Igland. Ho var leiar i fylkeslaget i mange år, og var også medskipar og leiar i landslaget i 11 år. I 1976 talde fiskarkvinnelaget i Sogn og Fjordane 11 aktive lokallag.

På 1980-talet gjorde fiskarkvinnelaga ein stor innsats i innsamling av kulturminne frå kysten. Medlemssvikt gjorde at Norges Fiskarkvinnelag vart lagt ned i 2006. May-Britt Bratseth frå Bremanger var den siste landsleiaren i laget.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 09.02.2015