Hopp til innhold
X
Innhald

Yellowstone

Yellowstone, nasjonalpark i USA, i Rocky Mountains i det nordvestlege hjørnet av delstaten Wyoming. Arealet er på om lag 9000 km², og han rommar mange geysirar, varme kjelder og slamvulkanar. Dyrelivet er rikt med mellom anna bisonflokkar og svartbjørnar. Nasjonalparken har mykje turisme, og sentrumet for desse er ved Yellowstone Lake.
 
Yellowstone nasjonalpark vart oppretta i 1872, og er dermed den eldste nasjonalparken i verda. Eit stort område i parken vart skadd av brann i 1988. Stort press på miljøet har dei seinare åra ført til sterk debatt om bruken av parken og uro for framtida til dyrelivet – særleg bjørnestammen.

 
Redigert og omsett frå Caplex, digital utgåve 2000–2006
Einerett for nynorsk utgåve etter avtale med Cappelen Damm 2009
 

Først publisert: 06.01.2012
Sist oppdatert: 06.01.2012