Faktaboks

Arild Hoksnes
Fødd
1. desember 1956, Aukra, Møre og Romsdal
Arild Hoksnes.
Av /Samlaget.

Arild Hoksnes er forfattar, journalist, musikar og humorist.

Bakgrunn

Arild Hoksnes er fødd i Aukra i Møre og Romsdal. Han er sidan 1980 utdanna cand.mag. frå Universitetet i Trondheim (no NTNU), med faga musikk, fransk og historie, og tok masterutdanning i organisasjon og leiing ved NTNU i 2014.

Hoksnes arbeidde som journalist og produsent i NRK Radio i 1977–1991 og som fredagskåsør i NRK Møre og Romsdal i 1995–2010. Han arbeider òg som rettleiar og føredragshaldar. Han skriv både bokmål og nynorsk.

Forfattarskapen

Hoksnes har gitt ut fleire humorbøker. Den første var I – den store romsdalskonspirasjonen (2003). Borti Huttaheiti (2004) er ein humoristisk analyse av næringslivet i regionen. I Exit Møre og Romsdal (2006) skriv Hoksnes om at fylket vil forsvinne som eigen region, og i Artig og artig (2008), med romsdalske humorhistorier, har Hoksnes endeleg fått gjennomslag om at Romsdal ligg mellom Sunnmøre og Nordmøre.

I Kunsten å ta feil (2010) minner Hoksnes lesaren om at ein feil kan bli ein suksess. Den lokalhistoriske boka Historien om Tyholttårnet kom i 2010.

Folkemusikken

Som musikar har Hoksnes vore med i fleire band og skrive bok om gamaldansmusikk. I Vals til 1000 (1988) laga han ei framstilling av framveksten av gamaldansmusikken i Noreg gjennom 200 år. Arild Hoksnes band gav i 2010 ut CD-en Vill Nordvest. Hoksnes har òg vore med i folkemusikkgruppa Hørkelgaddan og Søndre Trondhjems Spellmannslag, starta i 1994 etter initiativ frå Hoksnes.

Utmerkingar

Hoksnes fekk Spellemannprisen for folkemusikk i 1981 saman med Hørkelgaddan og Møre og Romsdal fylkeskulturpris for 2005. I 2012 blei han tildelt Gullruten saman med Per Jarle Heggdalsvik for beste program, «Min ungdoms vår», for NRK Ut i naturen.

Les meir i Store norske leksikon

Eksterne lenker

Kommentarar (2)

skreiv Odd Sørås

Sidan eg er fotografen til bildet av min gode venn Arild Hoksnes, vil eg ha retta ein feil i namnet mitt. Det har aldri vore nokon W der. Bildet stammar frå mi tid i NRK, og Allkunne fekk løyve til å bruke det på si nettside. For mange år sidan kontakta eg redaksjonen i Allkunne og bad om få dette retta. Det lovte dei, men gjorde det altså ikkje. Eg ser at feilen no via Allkunne-basen har forplanta seg til Samlagets forfattarside, og då er det vel rimeleg at de i SNL sørgjer for at feilen blir retta også der?
Mvh
Odd Sørås

svarte Mari Paus

Hei Odd! Takk for førnespurnaden. Eg har endra biletteksten. Veldig fint å få dette rett. Vennleg helsing Mari i redaksjonen

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg