Skodespelarar

Alf Sommer, skodespelar og sceneinstruktør, medverka i komediar og drama, var ein av pionerane i Fjernsynsteateret og bidrog til å gjere Den fjerde nattevakt til nasjonal eige.

Amund Rydland, skodespelar og teatersjef ved Det Norske Teatret.

Astrid Rosendal Sommer, skodespelar ved Det Norske Teatret, kjend for generasjonar av nordmenn gjennom radio- og fjernsynsteater for barn og vaksne.

Bjørn Skagestad, skodespelar, debuterte ved Det Norske Teatret, der han var tilsett frå 1969 til 1987. Han har markert seg som ein allsidig skolespelar, ein av dei fremste i den generasjonen han høyrer til.

Charlotte Frogner, skodespelar som tolkar allsidige og krevjande roller på teater og film. Ho har vore tilsett ved Det Norske Teatret sidan 2004.

Dagmar Myhrvold, oslojente som frå sine tidlegaste ungdomsår gjekk inn for å fremje nynorsken, og som i nesten 50 år var knytt til Det Norske Teatret som skodespelar, instruktør og pedagog.

Else Frogner Henden, skodespelar og barnebokforfattar, ein kulturformidlar som særleg har gleda barn med forteljingar om livet på garden.

Erik Ole Christian Ulfsby, skodespelar og instruktør, har sidan 2011 vore teatersjef ved Det Norske Teatret.

Finn Kvalem, skodespelar, instruktør og omsetjar, byrja karrieren sin ved Det Norske Teatret og var tilknytt teatret i 14 år, frå 1956 til 1969. Han omsette i alt 18 skodespel, som alle har vore spela.

Hans Stormoen, skodespelar, instruktør og omsetjar. Han var gardbrukarsonen som vart ein av dei mest allsidige og sentrale teaterpersonlegdomane i det 20. hundreåret.

Henny Elisabeth Moan, norsk skodespelar. Ho har hatt ein sentral posisjon i norsk teater sidan 1950-åra og er dessutan kjend for medverknad i ei rekkje filmar.

Hildegun Riise, songar og skodespelar. Ho er fast tilsett ved Det Norske Teatret og har nådd breitt ut i mange kanalar og medium.

Ingolf Rogde, skodespelar, ein folkekjær kunstnar som turnerte med Riksteatret i 20 år, og som spela Jeppe i Jeppe på Berget 700 gonger.

Kjetil Bang-Hansen, teatersjef, skodespelar og instruktør. Han har vore ein av dei mest sentrale teatersjefar og regissørar i Noreg sidan 1960-talet.

Knut Hergel, teatersjef ved både Det Norske Teatret og Nationaltheatret.

Kolbein Melvær var skodespelar ved Det Norske Teatret og seinare lensmann i Dale i Sunnfjord.

Odd Furøy, skodespelar, fiskarson som vart lærar, som forlét skulelivet til fordel for teaterkunsten, og som meinte at anonymitet er ein livskvalitet.

Ragnhild Hilt, teater- og filmskodespelar som spela ei rekkje framståande roller, både på Det Norske Teatret og på film.

Rasmus Olai Rasmussen, den første sjefen ved Det Norske Teatret og den viktigaste skodespelaren i opningssesongen.

Sigmund Sæverud, skodespelar og regissør, var med og skipa Hålogaland Teater i Tromsø og var i mange år mellom dei sentrale skodespelarane ved teatret.

Svein Erik Brodal, skodespelar, instruktør, dramatikar og lyrikar. Han var teatersjef ved Det Norske Teatret i tolv år.

Tone Ringen, forfattar, lyrikar, songar og skodespelar ved Det Norske Teatret og ei av dei tidlege kvinnene i visebølgja frå slutten av 1960-åra.

Tordis Elfrida Maurstad, skodespelar. Ho sette standarden for moderne skodespelarkunst.

Ulrikke Falch er forfattar, påverkar og skodespelar. Ho tek aktivt del i det offentlege ordskiftet, særleg med unge jenter i målgruppa. Mest kjend er Falch for rolla ho spela i nettdramaserien SKAM.