Faktaboks

Gerd Høst
Gerd Høst Heyerdahl
Fødd
28. mars 1915, Oslo
Død
1. mars 2007, Oslo
Verke
Språkforsker, forfatter og skuespiller
Familie

Foreldre: Overlege, dr.med. Herman Fleischer Høst (1883–1980; se NBL1,bd. 6) og Gudrun Rasmussen (1888–1976).

Gift 1943 med direktør Thorvald Emil Heyerdahl (19.7.1881–22.10.1957), sønn av sivilingeniør Halvor Emil Heyerdahl (1840–1917) og Alma Hedvich (1848–1935).

Svigerinne til Robert Esdaile (1918–87).

Gerd Høst var ein norsk professor, språkforskar, forfattar og skodespelar. Ho hadde inngåande kjennskap til tysk kultur og var ein sentral brubyggjar mellom Noreg og Tyskland etter krigen.

Bakgrunn

Gerd Høst var fødd i Oslo. Ho var dotter av Herman Fleischer Høst. Høst debuterte som skodespelar på Det Norske Teatret i 1934, hadde oppdrag ved Den Nationale Scene og Nationaltheatret og drog i 1938 til Berlin. Der spela ho ved Deutsches Theater og medverka i tre filmar.

I 1940 kom ho tilbake til Noreg og byrja å studere tysk. Ho vart dosent i tysk i 1960 og professor i germansk filologi ved Universitetet i Oslo i 1969. Magisteravhandlinga (1948) var ein studie av gamaltysk og gotisk språkhistorie. I 1976 skreiv ho Runer. Våre eldste norske runeinnskrifter, som vart eit standardverk for runeforskarar. I alt gav ho ut eit 40-tals vitskapelege arbeid.

Forsoningsarbeid

Opphaldet i Berlin farga Høst for resten av livet. Ho opplevde det beste av tysk kultur, men vart òg vitne til nazifiseringa. I etterkrigsåra var ho ei drivkraft i forsoningsarbeidet mellom Noreg og Tyskland, ved å minne nordmenn om det verdifulle i tysk kultur. Ho tok initiativ til å opprette Norsk-Tysk Selskap, omsette tyske diktarar og eit storverk om arkeologiens historie (Mennesker og guder i 5000 år) til norsk. Samtidig ivra ho for at nordmenn skulle lære tysk, og ho gav sjølv tyskundervisning på NRK kvar veke frå 1959 til 1969.

Utgivingar

Etter at Høst gjekk av som professor i 1985, gav ho ut minneboka Kampen mot glemselen. Glimt fra et vennskap med Elie Wiesel (1987), ein biografi om Ellinor Hamsun, Så mange slags kjærlighet (2004) og ein sjølvbiografi, Cupido og det gamle apotek (1994). I diktsamlinga Syng rune syng (2001) skriv ho på nynorsk.

Høst er heidra med mange prisar. I 1954 fekk ho Kongens gullmedalje for språkforsking, i 1971 ein vesttysk medalje for forsoningsarbeidet, i 1982 Riksmålsforbundets oversetterpris.

Les meir i Store norske leksikon

Eksterne lenker

Litteratur

  • John Ole Askedal: «Filologen og skuespilleren Gerd Høst Heyerdahl», i Ole Didrik Lærum (red.): Norske forskerprofiler. Bergen 2008
  • Gerd Høst: Cupido og det gamle apotek, Oslo 1994
  • Ragnhild Plesner: «Et liv i ord», Aftenposten 1.3.1998

Faktaboks

Gerd Høst
Historisk befolkingsregister-ID
pf01130584087214

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg