Hopp til innhold
X
Innhald

Freie Bühne

Freie Bühne var ei tysk teaterforeining.

I Berlin var det sensur under det prøyssiske regimet på slutten av 1800-talet. For å kunne oppføre den realistiske/naturalistiske og samfunnskritiske dramatikken skipa difor Otto Brahm ei privat teaterforeining, der ein hadde høve til å oppføre stykke i privat regi. På den maten fekk ein oppført verk av Ibsen, Bjørnson, Strindberg, Zola, Tolstoj og andre som elles ville blitt stoppa av sensuren.

Arne Garborg kom inn i dette miljøet, som samla forfattarar frå mange kantar på 1890-talet. Freie Buhnemiljøet gav han også ein stor pris, som han hadde god bruk for i ei tid da han verken visste kvar han skulle bu, eller kvar han skulle gje ut bøkene sine. Kontaktane var viktige også for Hulda Garborg, som fekk ei viktig rolle for teaterlivet i Noreg litt seinare.


Om artikkelen

Kjeldeliste til Jan Inge Sørbø: Nynorsk litteraturhistorie. Det Norske Samlaget 2018.

Artikkelen er henta frå Jan Inge Sørbø: Nynorsk litteraturhistorie. Det Norske Samlaget 2018. Publisert digitalt etter avtale med forlaget og forfattaren. Prosjektet er ein del av feiringa av 150-årsjubileet til Det Norske Samlaget og 10-årsjubileet til Allkunne.

Først publisert: 18.06.2018
Sist oppdatert: 12.11.2019