Christian Matras, færøysk forfattar og universitetslærar. Lektor i færøysk ved Universitetet i København frå 1922, frå 1952 professor, frå 1965 ved Færøyanes akademi. Både som språk- og litteraturforskar, som redaktør og som lyrikar har han hatt mykje å seie for det færøyske åndslivet til 1900-talet.
Matras debuterte som lyrikar i 1926 med samlinga Grátt, kátt og hátt, følgd av fleire diktsamlingar som mellom anna Á hellu ég stóð (1972) og Úr sjón og úr minni (1978). Dikta skildrar det færøyske landskapet og folkelivet med ein nærleik som varsla om noko nytt i færøysk dikting. Gjendiktingar av lyrikken hans har fått plass i Knut Ødegårds Færøysk lyrikk (1974).
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.