Anne Karin Elstad var ein norsk forfattar. Elstad var ein av dei mest lesne norske forfattarane i si samtid. Elstad skapte seg eit namn med romansyklusane om folket på Innhaug og om Julie. Her skriv ho om kvinner som vågar å utfordre eit mannsdominert samfunn.
Elstad nådde aldri nokon solid posisjon i det litterære Noreg. Dialektfarga språk og skildringar av tradisjonelle bygdemiljø gjer at litteraturen hennar i litteraturhistoria ofte har vorte nedvurdert til triviallitteratur og heimstaddikting. Likevel har Elstad sidan debuten i 1976 vore ein av dei mest lesne forfattarane i Noreg.
Allereie med debutromanen i 1976 opplevde Elstad salssuksess. Sidan er romanane hennar komne ut i store opplag, og ho har selt to millionar bøker berre i Noreg. Dei er mellom anna omsette til tysk, dansk og svensk.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.