Hopp til innhold
X
Innhald

Ailo Gaup

Ailo Gaup, samisk forfattar og sjaman.

Ailo Gaup var fødd i 1944 i Kautokeino/Guovdageaidnu og døydde i Oslo 24. september 2014. 

Under andre verdskrigen vart Gaup, som mange andre i Finnmark, evakuert og send sørover. Sju år gamal vart han sendt i fosterheim i Larvik, der han vaks opp.
Ailo Gaup arbeidde som journalist i Aftenposten, då han kom attende til Finnmark på reportasjereise. Gaup flytta så attende til Finnmark ein periode i vaksen alder. Han budde i Kautokeino, Karasjok og i Samisk kunstnerkollektiv i Máze.
Gaup var med på etableringa av Beaivváš Sámi Teáhter i 1981 og har skrive teksten til musikalen Våre vidder/Min duoddarat (1983) og skodespelet Gullspråket (1990). Han har utgitt diktsamlingane Joiken og kniven (1982), I Stallos natt (1984) og Under dobbel stjernehimmel (1986), og dessutan romanane Trommereisen (1988) og Natten mellom dagene (1992). Romanane er omsette til engelsk, tysk, fransk og polsk.
I tillegg har han skrive fagbøkene Sjamansonen (2005) og Inn i naturen (2007).

Først publisert: 25.04.2014
Sist oppdatert: 29.09.2014