Faktaboks

Per Knutsen
Fødd
4. august 1951, Hamarøy, Nordland
Død
19. august 2022, Bergen
Per Knutsen
Av /Cappelen Damm.

Per Knutsen var ein norsk forfattar. Han har skrive ei rekkje romanar, skodespel og barne- og ungdomsbøker.

Knutsen debuterte i 1976 med barneboka Gutten og ørna. Sidan følgde mellom anna Du må plante flere blomster, Lina-Liv (1977), Utpå Vestfjorden seiler mi skute (1980), Gull og sølv (1982).

Barne- og ungdomslitteratur

Han skreiv barnebøker med ærlege skildringar av vanskelege foreldre-barn-forhold i vår eiga tid. Knutsen har også skrive ungdomsbøkene Gutten som kunne fly (1988), Svart Cayal (1988), Svømmersken (1994), Supergutt (1996), Jentekrigen (1998) og Hilsen en som elsker deg (2003) og den frittståande fortsetjinga Luft og kjærlighet (2005), romanane Mordere (1984) og Fiskerens datter (1986), og dessutan skodespela Edel har fest (1989, oppført på Den Nationale Scene) og Er du naken? (1991).

Romanar

Knutsen har òg skrive kriminalromanane Høytrykk (1997) og Tigermelk (1999) og romanane Å salte et hjerte (2001), Hitlers tunge (2002), Frøken Markussens rykte (2004), Utakk (2006) og Gamle menns elskov (2010). Tigermelk er ein kriminalroman om forvridd kjærleik, makt og kontrollmani. Romanen Å salte et hjerte handlar om ein homofil mann som ikkje vågar å møte verda som den han er. I romanen Gamle menns elskov skriv han om eldre homofile menns søken etter nærleik og lidenskap.

Filmatisering

Regissørane Svend Wam og Petter Vennerød har filmatisert to av romanen til Knutsen: Gutten som ikke kunne fly med tittelen Lakki (1991) og Svart Cayal (1988)med tittelen Sebastian (1995).

Utmerkingar

I 1995 fekk Knutsen Kulturdepartementets litteraturpris for Rått parti.

Utgjevingar

  • Nakken vil ikke bøye seg (Roman, Cappelen Damm, 2021)
  • Broren til Hugo (Roman, Cappelen Damm, 2016)
  • Jobb for tøffe gutter (Barnebok, Cappelen Damm, 2013)
  • Kyss med ketchup (Barnebok, Cappelen Damm, 2011)
  • Gamle menns elskov (Roman, Cappelen Damm, 2010)
  • Kyss med ketchup (Ungdomsbok, Cappelen, 2007)
  • Utakk (Roman, Cappelen, 2006)
  • Frøken Markussens rykte (Roman, Cappelen, 2004)
  • Hilsen en som elsker deg (Ungdomsbok, Cappelen, 2003)
  • Hitlers tunge (Roman, Cappelen, 2002)
  • Å salte et hjerte (Roman, Cappelen, 2001)
  • Vil du ha meg? (Ungdomsbok, Cappelen, 2000)
  • Tigermelk (Roman, Cappelen, 1999)
  • Jentekrigen. (Ungdomsbok, Cappelen, 1998)
  • Høytrykk. (Krim og spenning, 1997)
  • Supergutt. (Barnebok, 1996)
  • Rått parti. (Ungdomsbok, 1995)
  • Svømmersken. (Ungdomsbok, 1994)
  • En dannet kvinne. (Dramatikk, 1992)
  • Er du naken? (Dramatikk, 1991)
  • Edel har fest. (Dramatikk, 1989)
  • Gutten som kunne fly. (Roman, 1988)
  • Svart Cayal. (Ungdomsbok, 1988)
  • Fiskerens datter. (Roman, 1986)
  • Trilofytten. (Barnebok, 1984)
  • Mordere. (Roman, 1984)
  • Gull og sølv. (Barnebok, 1982)
  • Utpå Vestfjorden seiler mi skute. (Barnebok, 1980)
  • Jeg vil ikke. (Barnebok, 1978)
  • Du må plante flere blomster, Lina-Liv. (Barnebok, 1977)
  • Gutten og ørna. (Barnebok, 1976)

Les meir i Store norske leksikon

Eksterne lenker

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg