Faktaboks

Einar Sæter
Fødd
6. februar 1917, Øksendal i Sunndal, Møre og Romsdal
Død
10. november 2010
Einar Sæter.
Av /Samlaget.

Einar Sæter var ein norsk redaktør og forfattar. Han har mellom anna skrive bøker om tida då han arbeidde som agent i den hemmelege etterretningstenesta XU under den andre verdskrigen.

Sæter var frå 1948 til 1949 stasjonert i New York, der han arbeidde for sikringstenesta knytt til den norske FN-delegasjonen. Då han kom tilbake til Noreg, byrja han som journalist for Nordlys i Tromsø og Arbeidernes Pressekontor i Oslo, før han flytta tilbake til Sunndal i 1954.

Avisredaktør

Einar Sæter var redaktør for arbeidarpartiavisa Aura Avis på Nordmøre frå 1954 til 1971. I 1971 grunnla han avisa Driva. Der var han redaktør fram til 1988.

Sakprosa

Sæter har skrive fleire faglitterære bøker. Åra som agent under krigen resulterte i boka I kurer-fart for XU (1977), truleg den første boka som vart skriven om XU, og boka XU. I hemmeleg teneste 1940–1945 (1995), der sonen Svein Sæter var medforfattar.

Naturvern og friidrett

Sæter var også ein profilert naturvernar og friidrettsmann. Han oppnådde både VM-gull og verdsrekord (tresteg) i veteranklassa.

Utmerkingar

Sæter er den einaste som har fått målprisen til Nordmøre Mållag to gonger – for arbeidet i Driva i 1976 og for forfattarskapen i 1997.

I 2002 fekk han Kongens fortenestemedalje i gull for innsatsen sin under krigen og for arbeidet som redaktør og forfattar.

Utgjevingar

  • I kurer-fart for XU (1977)
  • I hemmeleg teneste 1940–1945 (1995, ny utgåve 2007), med Svein Sæter.
  • 75 år med KOA til Mørelinjen (1990)
  • Gullgravar-legen og brørne hans (1993)
  • Gullfeber. Norske gullgravarar i Klondike og Alaska (1996).
  • Hans Hyldbakk. Samtale med ein 100-åring, (1998), med Svein Sæter.

Les meir i Store norske leksikon

Litteratur

Eksterne lenker

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg