Hopp til innhold
X
Innhald

Daniel Braut (litterær person)

Daniel Braut er hovudperson i Arne Garborgs Bondestudentar (1883), og kjem att i to andre bøker av same forfattar.

Han er ein av dei fiktive personane som har levd eit liv utanfor bøkene, som Peer Gynt. Daniel er ein person som vil kome seg opp i samfunnet, og som skiftar standpunkt etter kven han snakkar med, og kva han trur vil løne seg. Garborg gjev han gode grunnar til dette sidan kvardagen til studentane er sa krevjande, med elendig økonomi og mykje svolt.

Daniel Braut har blitt eit bilete på den usikre og famlande bondestudenten som foraktar sin eigen bakgrunn, ein klassereisande med dårleg moralsk pass. Garborg skildrar han med sympati og innleving, men legg ikkje skjul på at han tek avstand frå han.

I Mannfolk (1886) dukkar han opp som ein innpåsliten husvert som går hushjelpene litt for nært og lengtar ut av det ekteskapet som har berga økonomien hans. I dramaet Læraren (1896) er han med på å få arrestert Paal Hove, helten til Garborg.

Om artikkelen

Les kjeldelista til periodeartiklane om den nynorske skjønnlitteraturen.

Denne teksten er eit utdrag frå Jan Inge Sørbø: Nynorsk litteraturhistorie. Det Norske Samlaget 2018. Redigert av Per Magnus Finnanger Sandsmark og publisert digitalt etter avtale med forlaget og forfattaren. Prosjektet er ein del av feiringa av 150-årsjubileet til Det Norske Samlaget og 10-årsjubileet til Allkunne, og er støtta av Fritt Ord og Sparebanken Vest.

Logoar samarbeidspartnarar nynorsk litteraturhistorie: Logo Samlaget 150 år, logo Fritt Ord og logo Sparebanken Vest.

Først publisert: 18.06.2018
Sist oppdatert: 18.06.2018