Faktaboks

Hordaland Folkeblad
Offisielt namn
HORDALAND FOLKEBLAD AS
Organisasjonstype
Aksjeselskap
Forretningsadresse
Norheimsund
Dagleg leiar
Kjellaug Camilla Ljones
Styreleiar
Nils Frode Skaar
Logo
Logo
Av .
Framsida av Hordalands Folkeblad 31. mars 1916.
Hordalands Folkeblad/Nasjonalbiblioteket.
Lisens: CC BY NC ND 4.0

Hordaland Folkeblad er ei lokalavis i Norheimsund som vart grunnlagt i 1873. Avisa kjem ut i papirformat to gonger i veka, og dekkjer Kvam kommune og Jondal i Ullensvang kommune. Avisa er den eldste i tidlegare Hordaland utanfor Bergen. Camilla Skaar Ljones er eigar av Hordaland Folkeblad.

Sigbjørn Linga har vore ansvarleg redaktør sidan 2013.

Digitalt

Hordaland Folkeblad publiserer artiklar både på papir og på nettet. Ordninga med betalingsmur for ikkje-abonnentar gjeld det meste av stoffet.

Historie

Avisa vart starta i Norheimsund av Oddmund Børven som vekeblad under namnet Hardangeren, etter at enkelte spreidde utgåver hadde komme ut sidan 1871. Avisa fekk namnet Søndre Bergenhus Folkeblad i 1878, deretter Hordalands Folkeblad i 1901, og har sidan 1945 hatt namnet Hordaland Folkeblad.

Familien Skaar

Tre bladstyrarar frå familien Skaar, Nils, Nils jr. og Bjørn Skaar, styrte avisa gjennom 113 år, frå 1877 til 1990. Familien Skaar kom inn på eigarsida i 1877, gjennom Nils Skaar jr. Han tok over etter Børven, som hadde lukkast med å etablere regelmessige utgjevingar av bygdebladet Hardangeren frå 1873.

Nils Skaar jr. hadde plass på Stortinget for Venstre og var mellom anna oppteken av folkeopplysning og målsak. «Skaaralappen», som bladet har blitt kalla på folkemunne, har vore ei nynorskavis sidan tidleg i førre hundreåret. Einaste opphaldet i Skaar-familien si styring av avisa var mellom 1942 og 1945, då avisa hadde NS-innsette redaktørar. Bjørn Skaar kom tilbake som redaktør etter andre verdskrigen og heldt fram familietradisjonen til 1990. Familien Skaar har heile tida vore eigarar av bladet.

Politisk forankring

Avisa sin politiske profil som Venstre-avis var stødig under dei to fyrste Skaar-redaktørane. Partitilknytinga blei, i tråd med moderne tenking, avvikla i Bjørn Skaar si tid. Avisa er i dag politisk uavhengig.

Søndre Bergenhus Folkeblad, Hordalands Folkeblad og Hordaland Folkeblad

Etter eigarskiftet i 1877 skifta avisa namn til Søndre Bergenhus Folkeblad. I det nye namnet låg ambisjonar om å lage ei folkeleg amtsavis for distrikta. Undertittelen «Venstreorgan for Hordaland» kom først på plass etter at Nils Skaar jr. tok over som eigar i september 1877, med redaktøransvar frå 1878. Avisa bytta igjen namn i 1901, til Hordalands Folkeblad. Allereie i 1910 kom avisa ut tre dagar i veka, som var tidleg samanlikna med andre bygdeblad i landsdelen.

Etter andre verdskrigen kom Hordalands Folkeblad tilbake som todagarsavis, under namnet Hordaland Folkeblad frå 16.5.1945. Sidan 1967 har avisa vore åleine i Norheimsund og er i dag ei av fire aviser rundt Folgefonna. Hordaland Folkeblad var tidleg ute med å setje vekk prentinga, som blei flytta til A-pressa sitt trykkjeri i Odda i 1998, seinare til Media Trykk A/S på Kokstad.

Opplag

Opplagstall for Hordaland Folkeblad, 1986-2022

1986 4701
1988 5026
1990 5199
1991 5458
1992 5495
1993 5510
1994 5540
1995 5571
1996 5590
1997 5598
1998 5614
1999 5797
2000 5768
2001 5759
2002 5744
2003 5714
2004 5741
2005 5747
2006 5733
2007 5790
2008 5799
2009 5762
2010 5680
2011 5620
2012 5633
2013 5608
2014 5520
2015 5482
2016 5299
2017 5109
2018 5023
2019 4924
2020 5025
2021 4990
2022 4951
Kilde: medienorge.uib.no (papiropplag til 2014; deretter totalopplag, endring i beregningsmetode fra 2018)
År Opplag
1920 2000
1932 1500
1958 1559
1970 2559
1983 4268
1998 5614
2008 5799
2015 5482
2020 4519
2021 4587
2022 4951
2023 4821

Til og med 2015 gjeld opplagstala papirutgåva. Frå 2020 vert netto opplagstal for digitalt abonnement og papirabonnement nytta.

Fakta

  • Hardangeren: noko nr. frå 1871, stabil utgjeving frå 27.12.1873. Siste nr. 31.12.1877
  • Skifta namn til Søndre Bergenhus Folkeblad. 10.1.1878 – 28.12.1900.
  • Hordalands Folkeblad: fyrste nr. 4.1.1901.
  • Skifta namn til Hordaland Folkeblad 16.5.1945.

Les meir i Store norske leksikon

Eksterne lenker

Faktaboks

Hordaland Folkeblad
Sektorkode
2100 Private aksjeselskaper mv.
Næringskode(r)
58.130 Utgivelse av aviser

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg