Nye Troms (avis)
Faktaboks
- Offisielt namn
- AS NYE TROMS
- Organisasjonstype
- Aksjeselskap
- Forretningsadresse
- Moen
- Dagleg leiar
- Gry Thorsteinsen
- Styreleiar
- Oddvar Bjarne Bjørnsen
Historie
Nye Troms i Målselv blei til under EF-striden. Avisa blei grunnlagd i 1974 av aktive EF-motstandarar, med den idealistiske og stridshuga redaktøren Torstein Wittington Tengelsen i spissen.
Dei fleste som stod bak skipinga av Nye Troms, hadde vore EEC-motstandarar i 1972. Tengelsen var nettopp avsett som redaktør i Troms Folkeblad og gjekk i brodden for ei ny avis, som skulle fremje miljøstandpunkt og vere ei motvekt til «the establishment». Fiendskapen mellom redaktøren si gamle avis, Troms Folkeblad, og Nye Troms var til tider slik at dei ikkje omtalte kvarandre med namn, men snakka om «hofforganet på Finnsnes» og «ein publikasjon på innlandet».
Økonomien i avisa var dårleg den første tida. Like før jul i 1974 blei det sett i gang ein aksjon for å nå 3000 abonnentar, noko dei lukkast med til ein viss grad. Kronerulling var det òg, og redaktør Tengelsen selde huset sitt og gjekk inn med ny kapital.
Trass dårlege redaksjonslokaler i startfasen greidde avisa seg, og i 1980 flytta dei inn i eige hus på Olsborg. I 1990-åra blei det gjort store investeringar i datautstyr, og eit fjerde trykkverk på pressa blei montert. Seinare la Nye Troms ned si eiga presse og fekk avisa trykt i Tromsø.
Nye Troms har alltid vore partipolitisk nøytral. Målselv kommune er den største aksjonæren, men det er rundt 675 aksjeeigarar til saman. Avisa kjem ut tre dagar i veka og dekkjer i hovudsak kommunane Balsfjord, Bardu og Målselv. I 2008 passerte opplaget 5000, men det har seinare gått litt tilbake.
Fakta
- Fyrste nr. 26.3.1974
Opplag
Opplagstall for Nye Troms, 1986-2022
1986 | 2895 |
---|---|
1988 | 3258 |
1991 | 3651 |
1992 | 3922 |
1993 | 3903 |
1994 | 3907 |
1995 | 4014 |
1996 | 4210 |
1997 | 4513 |
1998 | 4644 |
1999 | 4765 |
2000 | 4684 |
2001 | 4819 |
2002 | 4902 |
2003 | 4975 |
2004 | 4968 |
2005 | 5014 |
2006 | 4890 |
2007 | 5017 |
2008 | 5051 |
2009 | 4921 |
2010 | 4821 |
2011 | 4782 |
2012 | 4646 |
2013 | 4534 |
2014 | 4271 |
2015 | 4128 |
2016 | 3830 |
2017 | 3603 |
2018 | 3465 |
2019 | 3360 |
2020 | 3424 |
2021 | 3409 |
2022 | 3480 |
År | Opplag |
---|---|
1991 | 3651 |
1998 | 4644 |
2008 | 5051 |
2020 | 3424 |
Til og med 2008 gjeld opplagstala for papirutgåva. Frå 2020 blir det brukt netto opplagstal for både digitale abonnement og papirabonnement. Kjelda er opplagstala avisene rapporterer til Mediebedriftenes Landsforening (MBL) for andre halvår.
Les meir i Store norske leksikon
Eksterne lenker
Faktaboks
- Sektorkode
- 2100 Private aksjeselskaper mv.
- Næringskode(r)
- 58.140 Utgivelse av blader og tidsskrifter
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.