Hopp til innhold
X
Innhald

Radioastronomi

Radioastronomi er studiet av radiostråling frå verdsrommet. Frå jordoverflata kan ein med radioteleskop registrere bølgjer mellom 20 m og 1 mm. Kortare bølgjelengder vert absorberte av vassdamp i atmosfæren, lengre vert reflekterte frå ionosfæren. Ein har observert tusenvis av radiokjelder. Nokre høyrer til galaksen vår (til dømes pulsarar), medan andre er ekstragalaktiske (til dømes kvasarar).
 
Hydrogenskyer i Mjølkevegsystemet sender ut radiostråling med bølgjelengd 21 cm. Sidan skyene er samla i spiralarmane til systemet, kan vi avgjere plasseringa av armane. Radioastronomien har også vist at det i den interstellare materien finst mange typar til dels kompliserte molekyl.

 
Redigert og omsett frå Caplex, digital utgåve 2000–2006
Einerett for nynorsk utgåve etter avtale med Cappelen Damm 2009
 

Først publisert: 20.04.2012
Sist oppdatert: 20.04.2012