Hopp til innhold

 Eikenøtter. Foto: Ferran Turmo Gort, flickr.com
Eikenøtter. Foto: Ferran Turmo Gort, flickr.com
X
Innhald

Eik

Eik (latin Quercus), slekt i bøkefamilien med 450 artar i Asia og Amerika. I Europa finst det berre 27 artar, og to av desse veks vilt i Noreg. Stammen er grov, og dei oftast kortstilka blada er fjørnerva og har ei meir eller mindre bukta rand. Hannblomstrane sit i hengjande raklar, og hoblomstrane enkeltvis eller i aksliknande samlingar. Nøttefrukta sit i ei skål og er viktig føde for dyr.
 
Sommareik, Q. robur, veks nokså spreidd på tørre stader på Austlandet og på Vestlandet nord til Edøy. Vintereik, Q. petraea, finst på berg og tørre stader i kyststrok frå Oslofjorden til Nordfjord.

 
Redigert og omsett frå Caplex, digital utgåve 2000–2006
Einerett for nynorsk utgåve etter avtale med Cappelen Damm 2009
 

Først publisert: 09.01.2013
Sist oppdatert: 09.01.2013