Mjødurt er ei fleirårig urt i mjødurtslekta i rosefamilien. Mjødurt kan bli frå 50 til 150 centimeter høg. Grunnblada er store og finnete med mørk grøn overside og lysare underside, og endar i treflika endesmåblad.
Faktaboks
- Etymologi
-
slektsnamnet kjem av latin ‘hengende tråd’, medan artsepitetet kjem av latin ‘alm-liknande’
- Vitskapeleg namn
- Filipendula ulmaria
- Beskriven av
- (L.) Maxim.
- Raudlistestatus i Noreg
- LC – Livskraftig
- Global rødlistestatus
- LC – Livskraftig
Dei små kremkvite blomane er radiærsymmetriske med fem kronblad og sit mange saman i ein stor og flat topp. Dei veks på fuktige stader i heile landet og er pollinerte av insekt. Blomane har ein sterk, søt og mandelaktig duft, og har vorte brukt som krydder i mjød. Fruktene som blir danna, er smånøtter.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.