Faktaboks

Are Helseth
Fødd
11. januar 1955, Oslo
Are Helseth.
Av /Stortinget.

Are Helseth er ein norsk lege og politikar for Arbeidarpartiet. Han møtte fast på Stortinget for Akershus 2009–2013.

Bakgrunn

Are Helseth studerte medisin ved Universitetet i Oslo 1975–1981 og tok doktorgrad ved Universitetet i Bergen i 1989 med ei avhandling om sentralnervesystemet. Han er spesialist i patologi og generell kirurgi.

Karriere

Helseth var overlege (1997–1998) og sjefslege (1998–2000) ved Bærum sykehus. Han var helse- og sosialdirektør i Akershus fylkeskommune (2000–2001), viseadministrerande direktør for Helse Aust RHF (2001–2003), administrerande direktør ved Akershus universitetssjukehus (2003–2005) og strategirådgivar i Helse Aust RHF (2005–2006). Han var prosjektdirektør i Helse- og omsorgsdepartementet i 2006 og administrerande direktør ved Fürst Medisinsk Laboratorium 2007–2009.

Politisk karriere

Helseth var vararepresentant til Stortinget frå 2009 til 2017 og var fast møtande vararepresentant for Akershus frå 2009 til 2013 for Anniken Huitfeldt. Han var medlem av styret i Bærum Arbeiderparti 2006–2007. Helseth var saksordførar for samhandlingsreforma i 2010.

Utgjevingar

Han har gitt ut A population-based survey of neoplasms of the central nervous system in Norway (1989), basert på doktoravhandlinga, og Kirurgi i allmennpraksis (1996) saman med Frode Samdal.

Les meir i Store norske leksikon

Eksterne lenker

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg